Xalqaro futbol federasiyasi (FIFA) "Barselona"ning 16 nafar futbolchisi 2026 yilgi Jahon chempionatida ishtirok etgani uchun klubga 2,8 million yevro to‘lab beradi. Bu haqda AS xabar bermoqda.
Manbaning ma’lumotiga ko‘ra, kataloniyalik klub 2022 yilga nisbatan kamroq mablag‘ oladi — o‘shanda "blaugrana"ga futbolchilarning jahon birinchiligidagi ishtiroki uchun 4,4 million yevro to‘langan edi.
Ta’kidlanishicha, barcha klublar saralash bosqichidagi har bir o‘yinda ishtirok etgan har bir o‘yinchi uchun 2362 dollar (2063 yevro) oladi — bunda futbolchi maydonda bir daqiqa bo‘lganmi yoki yo‘qmi, ahamiyatga ega emas. 2026 yilgi Jahon chempionatining o‘zida esa to‘lovlar har bir futbolchi uchun kuniga 4330 yevrogacha oshgan — bu mablag‘ terma jamoa yig‘inining birinchi kunidan boshlab, jamoaning turnirdagi oxirgi o‘yinidan keyingi kungacha hisoblanadi.
