"Nyukasl Yunayted" darvozabon pozisiyasini mustahkamlash niyatida va shu sababli "Atletiko"ning sloveniyalik darvozabon Yan Oblak transferini ko‘rib chiqmoqda, deb xabar beradi Goal.
Manbaga ko‘ra, "qarg‘alar" yozda Oblakni qo‘lga kiritish imkoniyati bor, chunki uning "matraschilar" bilan shartnomasi 2023 yilning yoziga qadar amal qiladi.
Qayd etilishicha, ingliz klubi skautlari sloveniyalikning o‘yinini kuzatishmoqda.
Oblakning o‘zi ham Premyer-ligaga o‘tishga qarshi emas, ammo kiper sovrinlar uchun kurashadigan klubga o‘tmoqchi.
