“Roma” yarim himoyachisi Jordan Veretu faoliyatini Angliya Premyer-ligasida davom ettirishi mumkin.

TeamTalk nashrining Correira dello Sport nashriga tayanib xabar berishicha, 29 yoshli futbolchining xizmatlariga “Nyukasl Yunayted” klubi qiziqish bildirmoqda.

Manbaning xabariga ko‘ra, "hakkalar" fransiyalik futbolchini yozda o‘z safiga qo‘shib olmoqchi. "Nyukasl"dan tashqari, "Tottenxem" va "Milan" ham futbolchini kuzatib borishmoqda, ammo "yangi boylar" Veretu uchun kurashda favorit hisoblanadi.

Ma’lumot uchun, yarim himoyachi 2020 yildan buyon "Roma"da to‘p surmoqda, u "Fiorentina"dan 17,5 million yevro evaziga rimliklar safiga ko‘chib o‘tgan.

O‘yinchining klub bilan shartnomasi 2024 yilning iyunigacha amal qiladi. Transfermarkt ma’lumotlariga ko‘ra, futbolchining bozor qiymati 22 million yevroni tashkil etadi.

Italiya chempionatining joriy mavsumida Veretu 28 ta o‘yinda maydonga tushib, 4 ta gol urgan va 7 ta golli uzatmani amalga oshirgan.