"Milan" "Liverpul"da kamdan-kam o‘ynaydigan Divok Origiga jiddiy qiziqish bildirmoqda. belgiyalik futbolchi yozda Italiya klubiga erkin agent sifatida qo‘shiladi. Unga taklif qilingan maosh ham ma’lum - mavsumiga to‘rt million yevro.
Shartnoma bir necha yil muddatga tuziladi, biroq aniq muddat ko‘rsatilmagan, deb xabar beradi Calciomercato. Bu belgiyalik futbolchining maydonda qancha vaqt o‘tkazishiga ham bog‘liq bo‘ladi. Bunday bitimlarni tuzayotgan Paolo Maldini shartnomaga futbolchi mavsumda ma’lum miqdordagi o‘yinlarda ishtirok etsa, uni avtomatik ravishda uzaytirish bandini kiritishni taklif qilmoqda.
