Ispaniyaning «Valensiya» klubi o‘z himoyachisi Xose Gayya bilan shartnomani uzaytirmoqchi. Bu haqda Fabrisio Romano xabar tarqatmoqda.

Manbaga ko‘ra, klub allaqachon 26 yoshli ispaniyalik futbolchiga yangi shartnoma borasida taklif bilan chiqqan. Qarorni futbolchining o‘zi hal qiladi.

2021/22 yilgi mavsumda Gayya «Valensiya» safida 23 ta o‘yinda maydonga tushib, 2 ta gol urdi va 4 ta golga assistentlik qildi.

Transfermarkt portali futbolchining narxini 40 million yevroga baholamoqda, himoyachining amaldagi shartnomasi 2023 yilning iyuni oxirigacha amal qiladi.

Eslatib o‘tamiz, Xose Gayyaga "Barselona" klubi ham faol qiziqish bildirmoqda.