Ispaniya chempionati 29-turidan o‘rin olgan "Real" - "Barselona" uchrashuviga oid (0:4) qiziqarli ma’lumotlarni o‘qib chiqishingiz mumkin.

— “Barselona” XXI asrda 9 marta “Real”ni yirik hisobda yengdi. Madrid klubida bunday g‘alaba soni bitta;

— Pyer-Emerik Obameyang klasikoda dubl va bitta assist muallifiga aylandi, Ferran Torresda gol va assist bor, Usmon Dembele esa ikkita golli uzatmani o‘z hisobiga yozdirib qo‘ydi;

— Obameyang “Real”ga qarshi ketma-ket 5 ta o‘yinda gol urgan XXI asrdagi ilk futbolchi bo‘ldi. Gabonlik futbolchi “Barsa” safidagi 8 o‘yinda 9 ta gol urdi;

— “Real” 2019 yilning martidan beri ilk bor “Barselona”ga yutqazdi. Bunga qadar madridliklar 5 marta g‘alaba qozongandi. Shuningdek, poytaxt jamoasi 2018 yildan beri birinchi marta klasikoda 4+ gol o‘tkazib yubordi;

— “Barselona” qatorasiga 12 o‘yindan beri yutqazmayapti — 9 g‘alaba, 3 durang. Katalonlar “Real”ning 5 o‘yindan iborat g‘alabali seriyasiga nuqta qo‘ydi;

— Xavi murabbiylik faoliyatida birinchi marta “el-klasiko”da zafar quchdi. Birinchisini yutqazgandi.