Испания чемпионати 29-туридан ўрин олган "Реал" - "Барселона" учрашувига оид (0:4) қизиқарли маълумотларни ўқиб чиқишингиз мумкин.
— “Барселона” XXI асрда 9 марта “Реал”ни йирик ҳисобда енгди. Мадрид клубида бундай ғалаба сони битта;
— Пьер-Эмерик Обамеянг класикода дубль ва битта ассист муаллифига айланди, Ферран Торресда гол ва ассист бор, Усмон Дембеле эса иккита голли узатмани ўз ҳисобига ёздириб қўйди;
— Обамеянг “Реал”га қарши кетма-кет 5 та ўйинда гол урган XXI асрдаги илк футболчи бўлди. Габонлик футболчи “Барса” сафидаги 8 ўйинда 9 та гол урди;
— “Реал” 2019 йилнинг мартидан бери илк бор “Барселона”га ютқазди. Бунга қадар мадридликлар 5 марта ғалаба қозонганди. Шунингдек, пойтахт жамоаси 2018 йилдан бери биринчи марта класикода 4+ гол ўтказиб юборди;
— “Барселона” қаторасига 12 ўйиндан бери ютқазмаяпти — 9 ғалаба, 3 дуранг. Каталонлар “Реал”нинг 5 ўйиндан иборат ғалабали сериясига нуқта қўйди;
— Хави мураббийлик фаолиятида биринчи марта “эл-класико”да зафар қучди. Биринчисини ютқазганди.
