Opta статистик хизмати турнир бошланиши арафасида 2026 йилги жаҳон чемпионати учун янгиланган прогнозини тақдим этди.

Суперкомпьютер ҳисоб-китобларига кўра, мусобақада ғолиб чиқиш учун асосий фаворит Испания терма жамоаси бўлиб, унинг чемпионлик эҳтимоли 15,98 фоиз деб баҳоланган. Шунингдек, бош соврин учун асосий даъвогарлар учлигига Франция (12,88%) ва Англия (10,84%) терма жамоалари ҳам киритилган.

Opta прогнозига кўра, чемпионлик учун ғалаба қозониш имконияти нол фоиз деб баҳоланган ягона икки жамоа — Кюрасао ва Гаити терма жамоаларидир.

2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтади. Мусобақа тарихида илк бор мундиалда 48 та терма жамоа иштирок этади.