Fransiyalik jurnalist Daniel Riolo «PSJ» hujumchisi Neymarning hozirgi holati haqida o‘z fikrlari bilan o‘rtoqlashdi.

«Neymar deyarli mashg‘ulotlarda ishtirok etmayapti, mashg‘ulotlarga kelsa ham mast holatda bo‘ladi. U klubga katta zarar yetkazmoqda”, - dedi Riolo After Foot bilan suhbatda.

Jurnalist "PSJ" rahbariyatini braziliyalik futbolchini qo‘yib yuborishga chaqirdi. Rioloning so‘zlariga ko‘ra, Neymar klub uchun o‘ch olish hissi bilan to‘lgan.

Fransiya chempionatining joriy mavsumida 30 yoshli hujumchi 15 ta o‘yinda maydonga tushib, 5 ta gol urdi va 3 ta golli uzatmani amalga oshirdi. Neymar 2017 yilning yozida «Barselona»dan rekord darajadagi 222 million yevro evaziga «PSJ»ga o‘tgan edi.

Futbolchining parijliklar bilan amaldagi shartnomasi 2025 yilning yoziga qadar tuzilgan.