Франциялик журналист Даниэль Риоло «ПСЖ» ҳужумчиси Неймарнинг ҳозирги ҳолати ҳақида ўз фикрлари билан ўртоқлашди.
«Неймар деярли машғулотларда иштирок этмаяпти, машғулотларга келса ҳам маст ҳолатда бўлади. У клубга катта зарар етказмоқда”, - деди Риоло After Foot билан суҳбатда.
Журналист "ПСЖ" раҳбариятини бразилиялик футболчини қўйиб юборишга чақирди. Риолонинг сўзларига кўра, Неймар клуб учун ўч олиш ҳисси билан тўлган.
Франция чемпионатининг жорий мавсумида 30 ёшли ҳужумчи 15 та ўйинда майдонга тушиб, 5 та гол урди ва 3 та голли узатмани амалга оширди. Неймар 2017 йилнинг ёзида «Барселона»дан рекорд даражадаги 222 миллион евро эвазига «ПСЖ»га ўтган эди.
Футболчининг парижликлар билан амалдаги шартномаси 2025 йилнинг ёзига қадар тузилган.
