Madridning “Real” klubi hujumchisi Luka Yovich o‘yin amaliyotining kamligidan norozi va keyingi transfer oynasida klubni tark etishi mumkin. Marca xabariga ko‘ra, futbolchi Madriddagi kelajagini ko‘rmayapti.
Ma’lum bo‘lishicha, serbiyalik futbolchiga "Arsenal" va "Everton" klublari qiziqish bildirmoqda. Ehtimol, futbolchi faoliyatini Dortmundning "Borussiya"sida davom ettirishi mumkin.
Manbaga ko‘ra, Yovichning "Real" bilan 2025 yilning iyuniga qadar amalda bo‘lgan shartnomasi muzokaralar jarayonini murakkablashtiradi.
2021/22 yilgi mavsumda Yovich barcha musobaqalarda 17 ta o‘yin o‘tkazdi. Bir gol urdi va ikkita golli uzatmani amalga oshirdi. 24 yoshli futbolchi oxirgi marta 12 fevralda maydonga tushgan.
