Мадриднинг “Реал” клуби ҳужумчиси Лука Йович ўйин амалиётининг камлигидан норози ва кейинги трансфер ойнасида клубни тарк этиши мумкин. Марcа хабарига кўра, футболчи Мадриддаги келажагини кўрмаяпти.
Маълум бўлишича, сербиялик футболчига "Арсенал" ва "Эвертон" клублари қизиқиш билдирмоқда. Эҳтимол, футболчи фаолиятини Дортмунднинг "Боруссия"сида давом эттириши мумкин.
Манбага кўра, Йовичнинг "Реал" билан 2025 йилнинг июньига қадар амалда бўлган шартномаси музокаралар жараёнини мураккаблаштиради.
2021/22 йилги мавсумда Йович барча мусобақаларда 17 та ўйин ўтказди. Бир гол урди ва иккита голли узатмани амалга оширди. 24 ёшли футболчи охирги марта 12 февралда майдонга тушган.
