«Barselona» vingeri Usmon Dembele «PSJ» bilan kelishuvga erishdi.
24 yoshli fransiyalik futbolchining «Barselona» bilan shartnomasi 3 oydan keyin yakuniga yetadi. Kataloniya klubi vakillari, jumladan, prezident Laporta va bosh murabbiy Xavi Usmon bilan shartnomani uzaytirishdan manfaatdor ekanliklarini bir necha bor bildirishgan.
AS nashri xabariga ko‘ra, futbolchi allaqachon Fransiyaning «PSJ» klubi bilan kelishuvga erishgan. Shu bilan birga, parijliklarning Chempionlar ligasini 1/8 final bosqichida tark etganidan so‘ng tarkibda jiddiy o‘zgarishlar qilinishi xabar qilinmoqda.
