Alli Makkoist Muhammad Salohning «Liverpul»ni tark etishini falokatga qiyosladi.
Misrlik futbolchining amaldagi shartnomasi 2023 yilgacha mo‘ljallangan.
“U ko‘proq ketadiganga o‘xshaydi. Klub va futbolchi o‘zaro kelishib olmagunicha tuyg‘u kuchayadi. Vaziyat qiziq, chunki u Yevropaning so‘nggi 18 oy ichida eng zo‘ri bo‘lmasa ham, eng yaxshi futbolchilaridan biri. U fenomenal.
Menimcha, biz shunday darajaga yetdikki, «Liverpul» ma’lum bir maosh chegarasidan o‘ta olmaydi va vaziyat umidsizdek tuyuladi. «Liverpul» Salohni almashtirish uchun qancha to‘lashi kerak? Yaxshi savol. Lekin bir salbiy tomoni ham bor. Saloh xohlagan narsasiga erishsa, maoshini oshirish uchun yana uch-to‘rt futbolchi klubga murojaat qilmaydimi? Klopp va «Liverpul» muvozanatni saqlashi kerak.
Salohning Premyer-ligani tark etishi menimcha falokat bo‘ladi. Biz eng yaxshi ligada eng zo‘r o‘yinchilar bo‘lishini istaymiz va aynan Saloh ulardan biri", - dedi "Reynjers" klubining sobiq hujumchisi.
