Biroz oldin Afrika mintaqasida Jahon Chempionati—2022 saralash bosqichining pley-off o‘yinlari bo‘lib o‘tdi.
Unda Senegal o‘z maydonida Misrni qabul qildi. Uchrashuv asosiy vaqti 1:0 hisobida mezbonlarning g‘alabasi bilan yakunlandi.
Dastlabki bahsda Misr 1:0 hisobida g‘alaba qozongandi. Shu sababli jamoalar qo‘shimcha daqiqalarga murojaat qildi. Ekstra-taymlarda hisob o‘zgarmadi va g‘olib nomi penaltilar seriyasida aniqlandi. U Senegalning 3:1 hisobidagi g‘alabasi bilan yakunlandi.
Shu tariqa Sadio Mane boshchiligidagi Senegal Qatar—2022 yo‘llanmasiga ega chiqdi. Muhammad Saloh va Misr terma jamoasi esa mundialda ishtirok etmaydi.
Senegal – Misr 1:0 Penaltilar seriyasi (3:1)
Gol: 1:0 – 4, avtogol Fatxi.
Senegal – Mendi, Sabali, Kulibali, Sisse, Siss, Sarr (Dyeng, 68), Guye (Sarr, 114), Mendi (Kuyate, 81), Mane, Sarr, Dia (Guye, 81).
Misr – El-SHenavi, Rabia (Ashur, 36), Gaber (Ashraf, 29), El-Xanafi, El-Fotu, El-Nenni (Emad, 70), El-Sulayya, Fatxi (El-Din, 118), Trezege (Zizo, 70), Salax, Marmush (Moxamed, 70).
Ogohlantirishlar: Rabia (34), Guye (37), Ashraf (45), Dyeng (70), El-Fotu (112), Moxamed (119), Emad (120).
