«Manchester Yunayted» hujumchisi Edinson Kavani Argentinaning «Boka Xuniors» jamoasi ga o‘tishga yaqin turibdi, deb xabar tarqatmoqda Todofichajes.
Futbolchining "qizil iblislar" bilan shartnomasi yozda tugaydi va futbolchi oilasi bilan yaqinroq bo‘lish uchun Janubiy Amerikaga ko‘chib o‘tmoqchi.
Kavani bu mavsumda «Manchester Yunayted»ning asosiy tarkibida kamdan-kam holatda maydonga tushmoqda va ko‘plab jarohatlar tufayli o‘yinlarni o‘tkazib yubordi. «Boka» prezidenti Xuan Rikelme futbolchi bilan yangi shartnoma borasida shaxsan muzokara olib boradi.
35 yoshli futbolchi joriy mavsumda APLda 12 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
