Xalqaro shaxmat federasiyasi (FIDE) kuni kecha o‘zining yangi reytingini ye’lon qildi.
2022 yilning 1 aprel sanasidan keyingi holat aks yetgan ushbu jadvalda ayni damda kuchli 100 likdan ikki nafar o‘zbekistonlik shaxmatchi o‘rin olgan. Bular jahonning 17-chempioni, xalqaro grossmeyster Rustam Qosimjonov hamda yaqinda rapid yo‘nalishi bo‘yicha dunyodagi yeng yosh chempionga aylangan Nodirbek Abdusattorovdir.
Ye’tiborli jihati, yangilangan reytingda o‘zbekistonlik shaxmatchilar orasida peshqadam o‘zgardi. 1997 yilda FIDE reytingida O‘zbekistonning yeng yuqori ballga yega shaxmatchisi maqomini qo‘lga kiritgan Qosimjonov chorak asrdan so‘ng o‘rnini yosh va iqtidorli izdoshiga bo‘shatib berdi.
FIDEning yangilangan reytingida xalqaro grossmeyster N.Abdusattorov (2004-yilda tug‘ilgan) 2 661 ball bilan 74-o‘rinni yegallab turibdi. O‘tgan oyda u 92-o‘rindan joy olgandi. Rustam Qosimjonov (1979 yilda tug‘ilgan) yesa 2 656 reyting bali bilan 82-pog‘onaga tushdi. Bir oy avval 17-jahon chempioni 77-o‘rinda qayd yetilgandi.
TOP-100talikda Nodirbekdan yosh bironta ham shaxmatchining yo‘qligi bizni yana-da xursand qiladi.
FIDE 20 yoshgacha bo‘lgan shaxmatchilarning reyting o‘rinlarini ham alohida hisoblab boradi. Yeng kuchli yosh shaxmatchilar orasida Nodirbek ayni paytda 4-o‘ringa ko‘tarildi. Shuningdek, yosh shaxmatchilar orasida TOP-100talikdan yana uch nafar shaxmatchimiz o‘rin olgan:
4. (GM) Nodirbek Abdusattorov (2004) – 2661,
11. (GM) Nodirbek Yoqubboyev (2002) – 2630,
17. (GM) Javohir Sindorov (2005) – 2609,
25. (GM) Shamsiddin Vohidov (2002) – 2536.
Rapid yo‘nalishida faqat Nodirbek Abdusattorov kuchli yuzlikda qayd yetilgan, u 2670 ball bilan 37-o‘rinni yegallab turibdi.
Blis yo‘nalishida 4 shaxmatchimiz kuchli yuzlikdan joy olgan:
36. Rustam Qosimjonov – 2681.
45. Nodirbek Abdusattorov – 2663.
71. Javohir Sindorov – 2630.
96. Shamsiddin Vohidov – 2611.
