Халқаро шахмат федерацияси (ФИДЕ) куни кеча ўзининг янги рейтингини еълон қилди.
2022 йилнинг 1 апрель санасидан кейинги ҳолат акс етган ушбу жадвалда айни дамда кучли 100 ликдан икки нафар ўзбекистонлик шахматчи ўрин олган. Булар жаҳоннинг 17-чемпиони, халқаро гроссмейстер Рустам Қосимжонов ҳамда яқинда рапид йўналиши бўйича дунёдаги енг ёш чемпионга айланган Нодирбек Aбдусатторовдир.
Еътиборли жиҳати, янгиланган рейтингда ўзбекистонлик шахматчилар орасида пешқадам ўзгарди. 1997 йилда ФИДЕ рейтингида Ўзбекистоннинг енг юқори баллга ега шахматчиси мақомини қўлга киритган Қосимжонов чорак асрдан сўнг ўрнини ёш ва иқтидорли издошига бўшатиб берди.
ФИДЕнинг янгиланган рейтингида халқаро гроссмейстер Н.Aбдусатторов (2004-йилда туғилган) 2 661 балл билан 74-ўринни егаллаб турибди. Ўтган ойда у 92-ўриндан жой олганди. Рустам Қосимжонов (1979 йилда туғилган) еса 2 656 рейтинг бали билан 82-поғонага тушди. Бир ой аввал 17-жаҳон чемпиони 77-ўринда қайд етилганди.
ТОП-100таликда Нодирбекдан ёш биронта ҳам шахматчининг йўқлиги бизни яна-да хурсанд қилади.
ФИДЕ 20 ёшгача бўлган шахматчиларнинг рейтинг ўринларини ҳам алоҳида ҳисоблаб боради. Енг кучли ёш шахматчилар орасида Нодирбек айни пайтда 4-ўринга кўтарилди. Шунингдек, ёш шахматчилар орасида ТОП-100таликдан яна уч нафар шахматчимиз ўрин олган:
4. (ГМ) Нодирбек Aбдусатторов (2004) – 2661,
11. (ГМ) Нодирбек Ёқуббойев (2002) – 2630,
17. (ГМ) Жавоҳир Синдоров (2005) – 2609,
25. (ГМ) Шамсиддин Воҳидов (2002) – 2536.
Рапид йўналишида фақат Нодирбек Aбдусатторов кучли юзликда қайд етилган, у 2670 балл билан 37-ўринни егаллаб турибди.
Блиц йўналишида 4 шахматчимиз кучли юзликдан жой олган:
36. Рустам Қосимжонов – 2681.
45. Нодирбек Aбдусатторов – 2663.
71. Жавоҳир Синдоров – 2630.
96. Шамсиддин Воҳидов – 2611.
