Ҳимоячи Лукас Эрнандес ва ярим ҳимоячи Н'Голо Канте 2026 йилги Жаҳон чемпионати доирасида Англияга қарши кечадиган учинчи ўрин учун баҳсда Франция терма жамоасининг асосий таркибида майдонга тушади, деб хабар бермоқда L'Equipe. Ҳар иккала футболчи ҳам ушбу турнирда илк бор ўйнайди. Улар францияликларнинг аввалги барча ўйинларини захира ўриндиғида ўтказишган.
BeInSports маълумотига кўра, францияликларнинг инглизларга қарши баҳсдаги асосий таркиби Испанияга қарши кечган ярим финал (0:2) учрашувига нисбатан еттита ўзгариш билан майдонга тушади: Майк Меньян, Мало Гюсто, Ибраима Конате, Максенс Лакруа, Лукас Эрнандес, Ману Коне, Н'Голо Канте, Усмон Дембеле, Райан Шерки, Брэдли Барколя, Килиан Мбаппе.
Жаҳон чемпионатининг бронза медаллари учун кечадиган Франция — Англия учрашуви якшанбага ўтар кечаси «Майами Стэдиум» стадионида бўлиб ўтади.
