«Барселона» вингери Руни Барджи Дортмунднинг «Боруссия» клуби эътиборига тушди.

Каталония клуби 20 ёшли футболчи учун асосий таркибдан жой кўрмаяпти, шу боис жорий мавсумолди даврида у билан хайрлашишга тайёр. Mundo Deportivo маълумотига кўра, швециялик футболчига даъвогарлар сафига «Боруссия» ҳам қўшилди. Рунининг ўзи тўлақонли трансфердан кўра ижарага кетишни афзал кўрмоқда — айни дамда у мавжуд барча вариантларни ўрганиб чиқмоқда.

Миш-мишларга кўра, Барджига «Астон Вилла», «Лидс», «Сандерленд», «Порту», Лиссабоннинг «Спортинг»и, «Штутгарт» ва бошқа клублар ҳам қизиқиш билдирмоқда. Transfermarkt портали футболчининг қийматини 15 миллион еврога баҳоламоқда.