«Манчестер Сити» 2009–2018 йиллар давомида молиявий қоидаларни кўп марта бузганликда айбдор деб топилган мустақил комиссия қарори устидан апелляция берганини эълон қилди. Шу муносабат билан Англия Премьер-лигаси расмий баёнот берди.
АПЛ апелляция бўйича муҳокама ёпиқ тарзда ўтказилишини маълум қилди.
«Мустақил апелляция комиссияси мажлиси унинг якунларини эълон қилишга рухсат берилгунга қадар ёпиқ ва махфий тарзда қолади», — дейилади АПЛ баёнотида.
Кўриниб турибдики, «Манчестер Сити» билан боғлиқ ушбу иш бўйича жараён ҳали анча вақт давом этиши мумкин.
