"Manchester Yunayted" va Londonning "Tottenxem" klublari yozgi mavsumda "Inter" himoyachisi Milan Shkrinyar uchun raqobatlashishi mumkin. Futbolchining "neradzurrilar" bilan shartnomasi 2023 yilgacha mo‘ljallangan, demak, yozda klub sloveniyalik uchun kamida pul olish uchun so‘nggi imkoniyatga ega bo‘ladi.
Calciomercato xabariga ko‘ra, Shkrinyar uchun asosiy da’vogarlar "Manchester Yunayted" va "Tottenxem". "Shporlar" bosh murabbiyi Antonio Konte sloveniyalik futbolchini "Inter"dagi faoliyatidan yaxshi biladi va uni himoya markazini kuchaytirish uchun asosiy nomzodlardan biri sifatida ko‘rmoqda. "Manchester Yunayted"ga kelsak, "qizil iblislar" hozirgi Varan-Maguayr markaziy himoyachi juftligidan norozi, shu bois klub yozda bu pozisiyani mustahkamlamoqchi.
