Madridning «Real» klubi hujumchisi Karim Benzema Yevropa Chempionlar Ligasi 1/4 finali dastlabki o‘yinlarining eng yaxshi futbolchisi deb topildi, deb xabar beradi UYEFA rasmiy sayti.
Eslatib o‘tamiz, ispan klubi mehmonda Angliyaning «Chelsi» klubini 3:1 hisobida mag‘lub etgandi. Fransiyalik hujumchi madridliklarning har uchala golining muallifiga aylandi.
Benzema Chempionlar ligasida urgan gollari sonini 82 taga yetkazdi. 34 yoshli hujumchi turnir tarixida 80 tadan ortiq gol urgan to‘rtinchi futbolchiga aylandi.
U Chempionlar ligasi tarixidagi ketma-ket ikkita pley-off o‘yinida xet-trik qayd etishga muvaffaq bo‘lgan ikkinchi futbolchiga aylandi. Avvalroq, Krishtianu Ronaldu buni 2016/17 yilgi mavsumda «Real Madrid» safida amalga oshirgan.
