Мадриднинг «Реал» клуби ҳужумчиси Карим Бензема Европа Чемпионлар Лигаси 1/4 финали дастлабки ўйинларининг энг яхши футболчиси деб топилди, деб хабар беради УЕФА расмий сайти.
Эслатиб ўтамиз, испан клуби меҳмонда Англиянинг «Челси» клубини 3:1 ҳисобида мағлуб этганди. Франциялик ҳужумчи мадридликларнинг ҳар учала голининг муаллифига айланди.
Бензема Чемпионлар лигасида урган голлари сонини 82 тага етказди. 34 ёшли ҳужумчи турнир тарихида 80 тадан ортиқ гол урган тўртинчи футболчига айланди.
У Чемпионлар лигаси тарихидаги кетма-кет иккита плей-офф ўйинида хет-трик қайд этишга муваффақ бўлган иккинчи футболчига айланди. Аввалроқ, Криштиану Роналду буни 2016/17 йилги мавсумда «Реал Мадрид» сафида амалга оширган.
