"Real" hujumchisi Luka Yovich yozgi transfer oynasida "Arsenal"ga o‘tishi mumkin.
El Nacional xabariga ko‘ra, "kanonirlar" rahbariyati "Real" zaxirasida qolib ketayotgan serbiyalik futbolchini o‘z safiga qo‘shib olishga jiddiy bel bog‘lagan. O‘z navbatida, Yovich ham ushbu transferga qarshi emas.
Kelishuvning taxminiy summasi 18-20 million yevro atrofida bo‘lishi kutilmoqda.
Joriy mavsum Serbiya terma jamoasining 24 yoshli a’zosi "qaymoqranglilar" uchun 17 o‘yinda maydonga tushib, 1 gol va 2 golli uzatma amalga oshirgan. U 2019 yilning yozida "Ayntraxt"dan 60 million yevro evaziga sotib olingan edi.
