"Реал" ҳужумчиси Лука Йович ёзги трансфер ойнасида "Арсенал"га ўтиши мумкин.
El Nacional хабарига кўра, "канонирлар" раҳбарияти "Реал" захирасида қолиб кетаётган сербиялик футболчини ўз сафига қўшиб олишга жиддий бел боғлаган. Ўз навбатида, Йович ҳам ушбу трансферга қарши эмас.
Келишувнинг тахминий суммаси 18-20 миллион евро атрофида бўлиши кутилмоқда.
Жорий мавсум Сербия терма жамоасининг 24 ёшли аъзоси "қаймоқранглилар" учун 17 ўйинда майдонга тушиб, 1 гол ва 2 голли узатма амалга оширган. У 2019 йилнинг ёзида "Айнтрахт"дан 60 миллион евро эвазига сотиб олинган эди.
