«Manchester Yunayted» bosh murabbiyligiga da’vogar bo‘lgan gollandiyalik murabbiy Erik ten Xag portugaliyalik hujumchi Krishtianu Ronalduning o‘yinlaridan umid qilmayapti.

Daily Mail nashri xabariga ko‘ra, gollandiyalik mutaxassis 37 yoshli portugaliyalik futbolchi uning o‘yin tizimiga to‘g‘ri kelmaydi, shuning uchun klub Ronaldu bilan yozgi transfer oynasida xayrlashishi kerak deb hisoblamoqda. Eslatib o‘tamiz, ten Xag «qizil iblislar»ning yangi bosh murabbiyi lavozimiga asosiy da’vogar hisoblanadi.

Joriy mavsumda Krishtianu Ronaldu Angliya chempionatida 25 ta o‘yin o‘tkazib, 12 ta gol va 3 ta golli uzatmaga mualliflik qilgan.