«Yuventus» hujumchisi Paulo Dibala yozda Turin klubidan ketadigan ko‘rinadi. Chunki, argentinalik futbolchi ayni paytda «Inter» bilan shartnoma borasida muzokara olib bormoqda.
Gazzetta dello Sport xabariga ko‘ra, Milan klubi bilan muzokaralar yaxshi olib borilmoqda, biroq hozircha aniq kelishuvga erishilmagan. Lekin nashrning qo‘shimcha qilinishicha, bugun «neradzurrilar» Paulo bilan kelishuvga erishgani haqida xabar berilishi kutilmoqda.
Oldinroq Turin klubi va argentinalik futbolchi 2022 yilning iyunida tugaydigan shartnomani uzaytirmaslikka qaror qilgani malum bo‘lgandi.
