"Manchester Yunayted" klubi sobiq himoyachisi Rio Ferdinand «Atletiko» futbolchilarining «Manchester Siti»ga qarshi o‘yindagi xatti-harakatlaridan xafa bo‘ldi.

Chempionlar ligasi 1/4 final javob o‘yinida jamoalar 0:0 hisobida o‘ynadi.

Ikkinchi bo‘lim so‘ngida maydonda futbolchilar o‘rtasida bir qator mushtlashuvlar kelib chiqdi. Hakamning final hushtagi chalinganidan so‘ng, futbolchilarning o‘zaro to‘qnashuvi tribuna ostida ham davom etdi. U yerda futbolchilar bir birlarini ochiqchasiga haqorat qilishdi, Stefan Savich va Jek Grilishlar boshqalarga qaraganda faolroq harakat qilishdi.

"Atletiko" futbolchilarining o‘yindan keyingi xatti-harakatlari jirkanchli bo‘ldi. Ular o‘zlari qilgan ba’zi g‘alati ishlardan uyalishlari kerak.

Futbol haqida gap ketganda, siz «Atletiko»ni hurmat qilishingiz kerak, chunki ular «Manchemter Siti»ni biz uzoq vaqt davomida ko‘rmagan tarzda o‘ynashga majbur qilishdi. Ularni ritm va harakatdan chiqarib yuborishdi.

Biroq, o‘yin oxirida ba’zi narsalar futbol maydonida ko‘rishni xohlaganingizdek bo‘lmadi” - dedi Angliya terma jamoasining sobiq himoyachisi.