Yevropa Ligasining 1/4 final javob uchrashuvida "Barselona" klubi o‘z maydonida "Ayntraxt" jamoasiga qarshi o‘yinda mag‘lubiyatga uchradi va musobaqani tark etdi.

Uchrashuvdan oldin nemislar "Kamp Nou"ga kirish chiptalarini sotib olib, oq rangli liboslar bilan stadion tribunalarini burkab tashlashdi.

Shu sababli, 32-tur doirasida bo‘lib o‘tadigan "Barselona" - "Kadis" jamoalari o‘rtasidagi uchrashuvdan oldin mehmonlar matbuot xizmati kataloniyaliklarga hazilomuz tarzda murojaat qildi.

"Biz "Kamp Nou"ni o‘z ranglariga bo‘yaydigan navbatdagi jamoa bo‘lishga tayyormiz" - deb yoziladi "Kadis"ning ijtimoiy tarmoqlardagi sahifalarida.

Eslatib o‘tamiz, "Barselona" - "Kadis" jamoalari o‘rtasidagi bahs 19 aprel kuni bo‘lib o‘tadi.