Европа Лигасининг 1/4 финал жавоб учрашувида "Барселона" клуби ўз майдонида "Айнтрахт" жамоасига қарши ўйинда мағлубиятга учради ва мусобақани тарк этди.
Учрашувдан олдин немислар "Камп Ноу"га кириш чипталарини сотиб олиб, оқ рангли либослар билан стадион трибуналарини буркаб ташлашди.
Шу сабабли, 32-тур доирасида бўлиб ўтадиган "Барселона" - "Кадис" жамоалари ўртасидаги учрашувдан олдин меҳмонлар матбуот хизмати каталонияликларга ҳазиломуз тарзда мурожаат қилди.
"Биз "Камп Ноу"ни ўз рангларига бўяйдиган навбатдаги жамоа бўлишга тайёрмиз" - деб ёзилади "Кадис"нинг ижтимоий тармоқлардаги саҳифаларида.
Эслатиб ўтамиз, "Барселона" - "Кадис" жамоалари ўртасидаги баҳс 19 апрель куни бўлиб ўтади.
