"Manchester Siti" Dortmundning "Borussiya" klubiga hujumchi Erling Xoland uchun to‘liq pulni birdaniga to‘lamoqchi emas, deb xabar bermoqda Goal portali.
Manbaga ko‘ra, “shaharliklar” bu summani bir necha yil davomida to‘lash uchun to‘lov rejasini kelishib olishni rejalashtirgan.
Avvalroq, «Manchester Siti» 21 yoshli norvegiyalik futbolchini 145 million yevro evaziga sotib olishga yaqin turgani haqida xabar berilgandi.
Joriy mavsumda Xoland “Borussiya” safida 25 ta o‘yinda maydonga tushib, 23 ta gol urdi va 7 ta golli uzatmani amalga oshirdi. Transfermarkt portali hujumchini 150 million yevroga baholamoqda.
