"Манчестер Сити" Дортмунднинг "Боруссия" клубига ҳужумчи Эрлинг Холанд учун тўлиқ пулни бирданига тўламоқчи эмас, деб хабар бермоқда Goal портали.
Манбага кўра, “шаҳарликлар” бу суммани бир неча йил давомида тўлаш учун тўлов режасини келишиб олишни режалаштирган.
Аввалроқ, «Манчестер Сити» 21 ёшли норвегиялик футболчини 145 миллион евро эвазига сотиб олишга яқин тургани ҳақида хабар берилганди.
Жорий мавсумда Холанд “Боруссия” сафида 25 та ўйинда майдонга тушиб, 23 та гол урди ва 7 та голли узатмани амалга оширди. Transfermarkt портали ҳужумчини 150 миллион еврога баҳоламоқда.
