«Brayton» yarim himoyachisi Adam Lallana jurnalistlarga APL doirasidagi «Manchester Siti»ga qarshi o‘yinda «shaharlliklar»ni mag‘lub etishga harakat qilishini va shu orqali «Liverpul»ga Premer-ligada birinchi o‘rin uchun kurashda yordam berishini aytdi.
«Biz kuchli klublarga qarshi o‘yinlarda o‘zini yaxshi his qiladigan jamoalardanmiz. Umid qilamanki, chorshanba oqshomida eski jamoam uchun «Siti»ni mag‘lub etishga harakat qilaman», — dedi bir necha mavsum oldin «Liverpul»da o‘ynagan Lallana.
«Siti» - «Brayton» uchrashuvi 20 aprel chorshanba kuni bo‘lib o‘tadi. Ayni damda «shaharliklar» APL turnir jadvalida «Liverpul»dan bir ochkoga ilgarilab, birinchi pog‘onani egallab turibdi.
