«Arsenal» va «Chelsi»ning sobiq futbolchisi Villian Braziliyaning «Korintians» klubini tark etish haqida o‘ylamoqda, deb xabar beradi ESPN.

33 yoshli futbolchi muxlislar tomonidan doimiy ravishda tanqid ostiga olinmoqda. Bu esa Libertadores kubogi doirasidagi «Olveys Redi»ga qarshi o‘yindagi mag‘lubiyatdan so‘ng (0:2) tahdidlarga aylandi.

Bundan tashqari, Villianning maktabga borishdan qo‘rqqan qizlari ham o‘zlarini xavfsiz his qilishmayapti.

Villian endi mashg‘ulotlarga shaxsiy transportda emas, qo‘riqchi hamrohligida boradi. Futbolchining rafiqasi Braziliyada futboldagi salbiy natijalar tufayli zo‘ravonliklar kuchayganidan xavotirda va mamlakatni tark etish niyatida.

Yarim himoyachi «Korintians» safida 25 ta o‘yin o‘tkazib, bitta gol urgan va 5 ta golli uzatmani amalga oshirgan.