«Арсенал» ва «Челси»нинг собиқ футболчиси Виллиан Бразилиянинг «Коринтианс» клубини тарк этиш ҳақида ўйламоқда, деб хабар беради ESPN.

33 ёшли футболчи мухлислар томонидан доимий равишда танқид остига олинмоқда. Бу эса Либертадорес кубоги доирасидаги «Олвейс Реди»га қарши ўйиндаги мағлубиятдан сўнг (0:2) таҳдидларга айланди.

Бундан ташқари, Виллианнинг мактабга боришдан қўрққан қизлари ҳам ўзларини хавфсиз ҳис қилишмаяпти.

Виллиан энди машғулотларга шахсий транспортда эмас, қўриқчи ҳамроҳлигида боради. Футболчининг рафиқаси Бразилияда футболдаги салбий натижалар туфайли зўравонликлар кучайганидан хавотирда ва мамлакатни тарк этиш ниятида.

Ярим ҳимоячи «Коринтианс» сафида 25 та ўйин ўтказиб, битта гол урган ва 5 та голли узатмани амалга оширган.