Yig‘in doirasida Ukraina terma jamoasi “Manchester Siti” yoki Angliya terma jamoasi bilan o‘rtoqlik o‘yini o‘tkazishi mumkin.
Jurnalist Igor Burbas o‘zining telegram-kanalida yozishicha, Ukraina terma jamoasini oldinda ikkita yig‘in kutib turibdi. Birinchisi Lyublyana chekkasida, ikkinchisi esa tumanli Albionda bo‘lib o‘tadi. Jurnalistning ta’kidlashicha, ikkinchi yig‘in yo "Manchester Siti" yoki Angliya terma jamoasi bazasida o‘tkaziladi. Burbas ushbu jamoalardan biri Ukraina bilan o‘rtoqlik o‘yinida kuch sinashishini qo‘shimcha qildi.
Eslatib o‘tamiz, Ukraina terma jamoasi Jahon chempionatiga saralash pley-off o‘yinida Shotlandiya terma jamoasi bilan o‘ynashi kerak.
