«Inter» bosh murabbiyi Simone Indzagi mavsumning qolgan o‘yinlari haqidagi fikrlari bilan o‘rtoqlashdi.
"Neradzurrilar" ustozining aytishicha, uning jamoasi yaqin haftalarda 6 ta finalda o‘ynaydi.
«Bu hafta biz uchun juda muhim bo‘ladi. Biz buni jiddiy qabul qilishimiz kerakligini juda yaxshi bilamiz. Ammo biz buni avval ham boshdan kechirganmiz va yana buni boshdan kechirishga tayyormiz. Mavsumning qolgan qismida bizni 6 ta final kutib turibdi» - dedi Indzagi matbuot anjumanida.
Eslatib o‘tamiz, «Inter» hafta oxirida o‘z maydonida Joze Mourinyo boshchiligidagi «Roma»ga qarshi bahs olib boradi.
