"Pari Sen-Jermen" "Yuventus" hujumchisi Moyze Kinga qiziqish bildirmoqda, deya xabar beradi jurnalist Nikolo Skira.
Manbaga ko‘ra, 22 yoshli italiyalik futbolchi yozgi transfer oynasida klubini o‘zgartirishi va Fransiya poytaxtiga qaytishi mumkin.
Ma’lumot uchun, Kin 2020/21 yilgi mavsumda "PSJ"da ijara asosida o‘ynagan. O‘sha vaqtda uning transfer huquqlari "Everton"ga tegishli edi.
Hujumchi “Yuventus” tarbiyalanuvchisi hisoblanadi.
2021/22-yilgi mavsumda Kin turinliklar safida 38 ta o‘yinda maydonga tushib, 6 ta gol urdi va 2 ta golli uzatmani amalga oshirdi.
Transfermarkt.com portali futbolchining narxini 28 million yevroga baholamoqda.
