Joriy yilning iyun oyida yurtimiz maydonlarida bo‘lib o‘tadigan U-23 Osiyo kubogi o‘yinlariga tayyorgarlik ishlari qizg‘in davom etmoqda. Bugun O‘FA birinchi vise-prezidenti Ravshan Ermatov Qarshi shahridagi "Markaziy" stadioniga tashrif buyurdi.
Tashrif davomida bu yerdagi mavjud sharoitlarni o‘rganib, OFK standartiga mos kelishini ta’minlash bo‘yicha, yangilanayotgan media tribuna, kiyim almashtirish xonalari, matbuot anjumani o‘tkaziladigan zallar ko‘zdan kechirildi. Shuningdek, yangi tashkil etilgan rasmiylarni maydonga chiqib kelish yo‘laklari musobaqagacha mos holatga keltirish ishlari o‘rganildi. Asosiy va mashg‘ulotlar o‘tadigan maydonlarni holatini OFK talablari darajasiga olib chiqish bo‘yicha ishlar tahlil qilindi va mutasaddilarga rejaga muvofiq keyingi qilinishi kerak bo‘lgan vazifalar yuzasidan ko‘rsatma va tavsiyalarini berildi.
