Жорий йилнинг июнь ойида юртимиз майдонларида бўлиб ўтадиган U-23 Осиё кубоги ўйинларига тайёргарлик ишлари қизғин давом этмоқда. Бугун ЎФА биринчи вице-президенти Равшан Эрматов Қарши шаҳридаги "Марказий" стадионига ташриф буюрди.
Ташриф давомида бу ердаги мавжуд шароитларни ўрганиб, ОФК стандартига мос келишини таъминлаш бўйича, янгиланаётган медиа трибуна, кийим алмаштириш хоналари, матбуот анжумани ўтказиладиган заллар кўздан кечирилди. Шунингдек, янги ташкил этилган расмийларни майдонга чиқиб келиш йўлаклари мусобақагача мос ҳолатга келтириш ишлари ўрганилди. Асосий ва машғулотлар ўтадиган майдонларни ҳолатини ОФК талаблари даражасига олиб чиқиш бўйича ишлар таҳлил қилинди ва мутасаддиларга режага мувофиқ кейинги қилиниши керак бўлган вазифалар юзасидан кўрсатма ва тавсияларини берилди.
