"Napoli" yarim himoyachi Fabian Ruisni yozda boshqa jamoaga qo‘yib yubormoqchi emas, deb xabar beradi Calciomercato.
Manbaga ko‘ra, futbolchining o‘zi Ispaniyaga qaytmoqchi. Futbolchiga "Real" va "Barselona" qiziqish bildirmoqda.
"Napoli" prezidenti Aurelio de Laurentis Ruisni jamoada olib qolmoqchi, shuning uchun klub rahbari futbolchiga 2023 yilning yozigacha mo‘ljallangan shartnoma taklif qiladi.
Joriy mavsumda 26 yoshli ispaniyalik futbolchi 31 ta o‘yin o‘tkazib, 7 ta gol urdi va 4 ta golli uzatma amalga oshirdi.
