"Real" bilan shartnomasi yakuniga yetayotgan braziliyalik tajribali himoyachi Marselo "Santyago Bernabeu"da qolishi mumkin. Sababi klub murabbiy Karlo Anchelotti 34 yoshli himoyachi bilan shartnomani uzaytirish kerakligini ta’kidlagan.

Todofichajes nashri xabariga ko‘ra, italiyalik murabbiy Marseloni qimmatli aktiv deb biladi va "qirollik klubi" rahbariyatidan futbolchiga yangi bir yillik shartnoma taklif qilishni so‘raydi.

Braziliyalik futbolchi "Real Madrid"ning zahira o‘yinchilaridan biri. U 2007 yildan beri madridliklar sharafini himoya qilib kelmoqda.

Marselo joriy mavsum 11 ta o‘yinda maydonga tushib, 2 ta golli uzatmani amalga oshirdi.