"Реал" билан шартномаси якунига етаётган бразилиялик тажрибали ҳимоячи Марсело "Сантьяго Бернабеу"да қолиши мумкин. Сабаби клуб мураббий Карло Анчелотти 34 ёшли ҳимоячи билан шартномани узайтириш кераклигини таъкидлаган.
Todofichajes нашри хабарига кўра, италиялик мураббий Марселони қимматли актив деб билади ва "қироллик клуби" раҳбариятидан футболчига янги бир йиллик шартнома таклиф қилишни сўрайди.
Бразилиялик футболчи "Реал Мадрид"нинг заҳира ўйинчиларидан бири. У 2007 йилдан бери мадридликлар шарафини ҳимоя қилиб келмоқда.
Марсело жорий мавсум 11 та ўйинда майдонга тушиб, 2 та голли узатмани амалга оширди.
