"Uotford" hujumchisi Xuan Pedroga Angliyaning top-klublari qiziqish bildirmoqda.
Manbaning xabariga ko‘ra, futbolchining agentiga bir nechta potensial xaridorlar murojaat qilishgan. "Uotford" kelajakda bu futbolchining transferidan yaxshi pul ishlab olishga umid qilib, hozir o‘z futbolchisini sotishni istamaydi.
Pedro 2020 yilning yanvarida Braziliyaning “Fluminense” klubidan 4 million yevro evaziga Angliyaga ko‘chib o‘tgandi. Uning shartnomasi 2025 yilgacha mo‘ljallangan.
Joriy mavsumda 20 yoshli braziliyalik futbolchi “Uotford” safida barcha turnirlar doirasida 28 ta o‘yin o‘tkazib, 4 ta gol urdi va bitta golli uzatmani amalga oshirdi.
