"Roma" himoyachisi Janluka Manchini "Feyenoord" klubi bilan Konferensiya ligasi final uchrashuviga hali tayyorgarlik ko‘rmaganini aytdi.
Manchini "Roma" jamoasi bor e’tiborini milliy chempionatning so‘nggi turida g‘alaba qozonishga qaratilganini aytdi. Himoyachi “Feyenoord”ning Konferensiya ligasida bir nechta o‘yinlarini tomosha qilgani, ammo klub hali raqibni to‘liq o‘rganmagani va final o‘yiniga hozirlik ko‘rmaganini ta’kidladi.
Eslatib o‘tamiz, "Roma" va "Feyenoord" o‘rtasidagi Konferensiya ligasining final uchrashuvi 25 may kuni Tiranada bo‘lib o‘tadi. A Seriyaning so‘nggi turida "Roma" "Torino"ni 3:0 hisobida mag‘lub etdi.
