Pro liganing navbatdagi turidan o‘rin olgan «Mash’al» – «Sho‘rtan» (0:2) uchrashuvidan so‘ng mehmonlar ustozi Asror Aliqulov fikrlarini bildirdi.

«Maydonga g‘alaba uchun chiqamiz. Lekin bu oson emas. Qolaversa, bugun o‘zgacha derbi edi. Futbolchilarga bunday o‘yinlar boshqacha bo‘lishi, har bir to‘p uchun kurashish kerakligini aytgandik. Raqib tarkibida mahoratli futbolchilar bor. Shu bois oldinroqda bosim qilishimiz, imkon bermasligimiz kerak edi. O‘ylaymanki, futbolchilarim mehnat qilish evaziga g‘alaba qozondi. Futbolchilarimizga mahorat yetishmasligi rost.  Ayniqsa, oxirgi pasni berishda qiynalishmoqda. Futbol kutib turmaydi.

Mash’al»da ishlaganim keyinchalik foyda keltirdi. Ularning imkoniyatini bilganim uchun osonroq bo‘ldi. Bu jamoa har doim yuragimda. Zoirovning vaziyati golli edi. Bu payt butun hayol gol urishda bo‘lishi kerak edi.  Birinchi davrada ko‘p jamoalarga ochko ulashdik, deya olaman. Individual xatolar bunga sabab bo‘ldi. Jadvaldagi o‘rnimizdan qoniqmadik. Davralar oralig‘ida markaziy himoyachi, tayanch va hujumga futbolchi olishimiz lozim. Imkoniyatimizdan kelib chiqib futbolchi chaqiramiz» – deydi g‘uzorliklar bosh murabbiyi.