Fransiyalik yarim himoyachi Adriyen Rabyo yozgi transfer oynasida Turinning “Yuventus” klubini tark etishi mumkin. Insayder Nikolo Skiraning so‘zlariga ko‘ra, yarim himoyachi uchun Angliya premyer-ligasidan ikkita da’vogar bor.
Nomi oshkor etilmagan klublar Adriyenni qo‘lga kiritish borasida "keksa sinyora" bilan muzokaraga kirishgan. Turintliklar agar foydali taklif tushsa, futbolchini shu yozda sotishga tayyor. Rabyoning klub bilan shartnomasi 2023 yilning o‘rtalariga qadar mo‘ljallangan.
Yarim himoyachi o‘tgan mavsumda klubda 45 ta o‘yinda maydonga tushib, 2 ta golli uzatmani amalga oshirgan.