"Milan"ning texnik direktori Paolo Maldini yaqin vaqt ichida klubni tark etishi mumkin, deya xabar beradi Correira Dello Sport.
Funksionerning “qizil-qoralar” bilan shartnomasi 30 iyunga qadar amal qiladi.
"Rossonerilar" italiyalik sobiq futbolchi bilan shartnomani uzaytirmayapti, chunki klub egasi kim bo‘lishi hozircha aniq emas.
Oldinroq Bahrayn sarmoyaviy jamg‘armasi "Milan"ni sotib olishdan bosh tortgani haqida xabar berilgandi.
Shu bilan birga, ommaviy axborot vositalarining xabarlariga ko‘ra, ReBird Capital investisiya kompaniyasi "Milan"ni sotib olishga qiziqish bildirmoqda.
Hozircha Maldinining kelajagi ham, butun klubning keyingi rivojlanish strategiyasi ham noaniqligicha qolmoqda.