"Ufa" yarim himoyachisi Oston O‘runov Rossiya premyer-ligasida jon saqlab qolish uchun o‘tkazilgan "Orenburg"ga qarshi pley-off bosqichi javob uchrashuvida (1:2) to‘liq harakat qildi. FNK nashri o‘zbekistonlik futbolchini mazkur bahsning eng yaxshi o‘yinchisi deb topdi.

"Aql bovar qilmas mehnatkashlik. O‘runov – "kiborg", rostmanasi. U Kasintura bilan juftlikda raqibning ko‘p "qonini ichishdi". U faol harakatlari orqali ko‘p vaziyatlar yaratdi, uzatmalarining aniqligi yuqori bo‘ldi, keskinlashtiruvchi vaziyatlarda ishtirok etdi. O‘zbekistonlik futbolchi limon kabi o‘zining suvini siqib oldi. Ha, Juravlyov muhim gol urdi, "Orenburg" posboni Goshev g‘aroyib o‘yin o‘tkazdi, mehmonlar sardori Malix esa jamoasini RPLga olib chiqdi. Ammo O‘runovga qaragan bo‘lsangiz, undagi ter chelaklab oqdi. Final hushtagidan keyin esa so‘nggi tomchisi parlanib ketgandek bo‘ldi. Oston o‘z muxlislari va neytral tomoshabinlarning ko‘zini juda va juda quvontirdi", — deya O‘runovga ta’rif berdi jurnalist.